يعنى ايه مدون؟
لا احب مصطلح مدون ولا احب ان يعرفنى أحد كمدون
حاجه غريبه جدا
بقى بيطلع كلام غريب
المدونوين عملوا والمدونيين راحوا ورأى المدونيين
مين هما المدونيين؟
حد يقدر يعرف مين هما المدونيين ؟
هل لمجرد انى دخلت عملت نافذه شخصيه ليا على النت كتبت فيها خواطرى واراءى
طيب حد يقولى
لو انا كتبت رأيى مثلا فى زياره اوباما
ونزلت رأيى فى المدونه يبقى اسمى مدون
ولو نزلت نفس الرأى فى جريده او موقع اليكترونى هيبقى اسمى كاتب
ولو نزلته فى منتدى هيبقى اسمى ايه منتدالى
ولو نزلته على الفيس بوك هيبقى اسمى ناشط فيس بوك
طيب لو قلته وسط منتدى ثقافى او فى ندوه او بين عائلتى
هو نفس الكلام نزل فى اماكن مختلفه هيخلينى اخذ القاب واسماء مختلفه
طيب ما المنتديات موجوده بقالها سنين فى الوطن العربى وفى ناس بتدخل وتشارك وتكتب اراءها وخواطرها وتدوينتها عليها والناس بتدخل تعلق وتتفاعل
ليه لم نطلق على الناس دول اسم وبقوا ظاهره وبقينا بنتابع اخبارهم ونقول المنتديين عملوا وسووا وراحوا وجم
المدونه بالنسبه لى ما هى الا وسيله للنشر
زيها زى الموقع العادى او الجورنال او الكتاب او الورق البردى
وسيله سهله تنشر فيها
ياريت بقا محدش يقولى مدون بعد كدا
أنا مجرد شخص بافكر وباخد مواقف وليا اراء زيى زى اى انسان رزقه الله عقل
الفرق انى بانشر رأيى دا
او زى ابن الجوزى
انا باصطاد خواطرى
ايه رأيكم فى الإسم دا
صياد خواطر
ويبقى تنظيم جديد وجماعه جديده
اسمها صيادين الخواطر
وعجبى
المشاركات
طيب
ردحذفمتزعلش نفسك يا محمد
ردحذفولو حد قالك كده تاني ابقى قولي :D